වසර 14 කට පසු නීතිඥ සංගමයේ සියලුම සාමාජිකයින්ගේ හදිසි රැස්වීමක් හෙට (වීඩියෝ)

ශ්‍රී ලංකා නීතිඥ සංගමයේ සියලුම සාමාජිකයින්ගේ හදිසි රැස්වීමක් හෙට (15) පස්වරු 3.00ට පවත්වන බව එම සංගමයේ සභාපති නීතිඥ රජීව් අමරසූරිය පවසනවා.

අද (14) පෙරවරුවේ විශේෂ ප්‍රවෘත්ති සාකච්ඡාවක් කැඳවමින් සභාපතිවරයා සඳහන් කළේ ශ්‍රී ලංකා නීතිඥ සංගමයේ සියලුම සාමාජිකයින්ගේ සහභාගීත්වයනේ රැස්වීමක් මෙලෙස කැඳවනු ලබන්නේ 2012 වසරෙන් පසුව බවයි.

ඊයේ (13) පස්වරුවේ තලංගම පොලිස් වසමේ අකුරේගොඩ ප්‍රදේශයේ සුපිරි වෙළඳසැලක රථගාලක නීතිඥවරයෙක් ඉලක්ක කරගෙන සිදුවූ වෙඩිතැබීමේ සිද්ධිය පිළිබඳව නීතිඥ සංගමයේ ස්ථාවරය පැහැදිලි කරමින් අද (14) මෙම විශේෂ ප්‍රවෘත්ති සාකච්ඡාව කැඳවා තිබුණා.

මෙහිදී අදහස් දක්වමින් සභාපතිවරයා සඳහන් කළේ, මෙය සමස්ත නීතිඥ ප්‍රජාවටම බලපාන සිද්ධියක් බවයි.