මේ වසරේ ගත වූ පළමු දින 20 තුළ ඩෙංගු මරණ 03ක් වාර්තා වී තිබෙනවා.
ජාතික ඩෙංගු මර්දන ඒකකය සඳහන් කරන්නේ, මේ වසරේ ගතවූ කාලය තුළ දිවයිනපුරා ඩෙංගු රෝගීන් 7,507 දෙනෙකු වාර්තා වූ බවයි.
ඉන් වැඩිම රෝගීන් සංඛ්‍යාවක් යාපනය දිස්ත්‍රික්කයෙන් වාර්තා වී ඇති අතර එම සංඛ්‍යාව 1,602ක්.
ගම්පහ දිස්ත්‍රික්කයෙන් රෝගීන් 637ක් සහ කොළඹ දිස්ත්‍රික්කයෙන් රෝගීන් 1,536ක් ද වාර්තා වී තිබෙනවා.
මේ පිළිබඳව සෞඛ්‍ය අමාත්‍ය වෛද්‍ය රමේෂ් පතිරණ මහතා සඳහන් කරන්නේ, ඩෙංගු රෝග ව්‍යාප්තිය පාලනය කිරීම සඳහා ජනතාවගෙන් ලැබෙන සහාය ප්‍රමාණවත් නොවන බවයි.
