වර්ජනයක් ගැන රජයේ දොස්තරලා රතු එළි දල්වයි

දීමනා සම්බන්ධ ගැටළුවට කඩිනම් විසඳුම් ලබා නොදෙන්නේ නම් අනිද්දා (05) දිනයේ දී; දීප ව්‍යාප්ත වැඩවර්ජනයක් ක්‍රියාත්මක කරන බව රජයේ වෛද්‍ය නිලධාරීන්ගේ සංගමය පවසනවා.

අද (03) දිනයේ කැඳවා තිබූ මධ්‍යම කාරක සභා රැස්වීමක දී මෙම තීරණය ගත් බවයි එම සංගමය සඳහන් කළේ.

මේ අතර එම දිනයෙන් පසුවත් විසඳුම් ලබාදීමට රජය අපොහොසත් වන්නේ නම් ලබන 07වනදා සිට වෘත්තීය සමිති ක්‍රියාමාර්ග දැඩි කරන බව ද එම සංගමය වැඩිදුරටත් පැවසුවා.