වයඹ විශ්වවිද්යාලයේ කුලපතිවරයා ලෙස සණස ව්යාපාරයේ නිර්මාතෘ ආචාර්ය පී.ඒ.කිරිවන්දෙණිය මහතා පත් කර තිබෙනවා.
ජනාධිපති මාධ්ය අංශය සඳහන් කළේ ජනාධිපති රනිල් වික්රමසිංහ මහතා විසින් මෙම පත්කිරීම සිදුකර ඇති බවයි.
ඒ අනුව වහාම ක්රියාත්මක වන පරිදි වසර 5ක කාලයක් සඳහායි කුලපතිවරයා ලෙස කිරිවන්දෙණිය මහතා පත් කර ඇත්තේ.
විද්යෝදය විශ්වවිද්යාලයෙන් සමාජ විද්යා උපාධිය ලබා ගුරුවරයෙකු ලෙස වෘත්තීය ජීවිතය ආරම්භ කළ ඔහු සර්වෝදය ව්යාපාරයේ අධ්යාපන අධ්යක්ෂ සහ ජාතික උරුමයන් වැඩසටහනේ නියෝජ්ය අධ්යක්ෂ ලෙස ද කටයුතු කර තිබෙනවා.
ඔහු Asian Confederation of Credit Unions (ACCU), ජාත්යන්තර සමුපකාර සහ අන්යෝන්ය රක්ෂණ සම්මේලනයේ Asia and Oceania සංගමයේ (AOA) උප සභාපති, ප්රාදේශීය මහජන බැංකුවේ අධ්යක්ෂ ලෙස ප්රධාන තනතුරු කිහිපයක් දැරූ කීර්තිමත් වෘත්තිකයෙක් ද වනවා.
