බඳින තුවක්කුවක් පත්තු වී පාදයකට තුවාල ලබා සිටින ‘අග්බෝ’ නැමති ඇතාට ප්රතිකාර කිරීම ආරම්භ කර තිබෙනවා.
කලා වැව රක්ෂිතයේ සැරිසරමින් සිටි මෙම ඇතා බඳින තුවක්කුවක් පත්තු වී වම් පාදය බරපතළ ලෙස තුවාල ලබා සිටිනවා.
මෙම සත්වයා ඊයේ දිනයේ තිරප්පනය ප්රාදේශීය ලේකම් කොට්ඨාසයේ අයත් ඇතුන්ගම – උලගල්ල වැවේ සිටින බවට වනජීවී නිලධාරීන්ට තොරතුරු ලැබී තිබෙනවා.
ඒ, අනුව මෙම ඇතාට ප්රතිකාර කිරීමට තිරප්පනේ වනජීවී නිලධාරීන් පණ්ඩුලගම පශුවෛද්ය චන්දන ජයසිංහ ඇතුළු කණ්ඩායමක් එම ස්ථානයට පැමිණ ප්රතිකාර සිදුකිරීම අරඹා ඇති බව අප වාර්තාකරු සඳහන් කළා.
එහිදී මහත් පරිශ්රමයක් දරමින් සත්වයාට ප්රතිකාර කිරීම සඳහා කටයුතු කරමින් සිටියදී වනජීවී නිලධාරීන් පසුපස හඹා ආ මෙම ඇතා යළි කැලෑ වැදී ඇති බවයි වාර්තා වුණේ.
කෙසේ වෙතත් වනජීවී නිලධාරීන් සහ පශු වෛද්යවරු ඇතා පසුපස ගොස් පැය කිහිපයක මෙහෙයුමකින් අනතුරුව සාර්ථව ප්රතිකාර සිදුකිරීමේ කටයුතු අවසන් කර ඇති බවයි වාර්තා වන්නේ.
පශුවෛද්ය නිලධාරීන් සදහන් කළේ ඇතාගේ පාදය සම්පූර්ණයෙන්ම සුවවන තෙක් නොකඩවා ප්රතිකාර සිදුකිරීම් සිදුකරන බවයි.
wpDiscuz
