වත්මන් ලෝක ශූරයින් ව පැරදූ ශ්‍රී ලංකාව ප්‍රසාද ලකුණු පුවරුවේ උඩට

මෙවර එක්දින ක්‍රිකට් ලෝක කුසලානයේ ප්‍රසාද ලකුණු සටහනේ පස්වැනි ස්ථානය දක්වා ඉදිරියට එන්න ශ්‍රී ලංකා කණ්ඩායම සමත් ව තිබෙනවා.

ඒ මීට ටික වේලාවකට පැවති එංගලන්තයට එරෙහි ව පැවති තරගය කඩුලු 08කින් විශිෂ්ට ලෙස ජය ගනිමින්.

අද තරගයට පෙර ශ්‍රී ලංකා කණ්ඩායම පසුවූයේ ප්‍රසාද ලකුණු 02ක් පමණක් අතැතිව 7 වැනි ස්ථානයේ යි.

ඊට ඉහතින් ඇෆ්ගනිස්ථානය ද, පහළින්, වත්මන් ලෝක ශූර එංගලන්තය ද සිටියා.

නමුත් අද තරගයේ දී ශ්‍රී ලංකා කණ්ඩායමේ දක්ෂතා අනුව ලැබූ ජයග්‍රහණයත් සමගින් ඔවුන්ට මේ වනවිට ස්ථාන 02ක් ඉදිරියට ඒමට හැකි ව තිබෙනවා.

ඔවුන් මුහුණ දුන් තරග 05න් දෙකක් ජයගෙන ශ්‍රී ලංකා කණ්ඩායම ප්‍රසාද ලකුණු 04ක් හිමිකරගෙන සිටිනවා.

මෙම පරාජයත් සමගින් එංගලන්තය ලකුණු සටහනේ 9 වැනි ස්ථානය දක්වා පසුබැස්සා.

මීළඟට ශ්‍රී ලංකාවට මුහුණ දීමට ඇති 6 වැනි තරගය එළඹෙන 30 වැනි දින පූනේ හිදී ඇෆ්ගනිස්තානයට එරෙහිව පැවැත්වෙනු ඇති.