කොළඹ කොටුවේ සිට නානුඔය දක්වා ධාවනය වෙමින් තිබූ ටිකිරි මැණිකේ දුම්රිය තලවකැලේ සහ වටගොඩ දුම්රිය ස්ථාන අතර පිහිටි වටගොඩ පාලම මත දී පීලි පැනීමකට ලක්ව තිබෙනවා.
මෙම දුම්රිය ඊයේ (15) රාත්රියේ මෙලෙස පීලි පැනීමට ලක්ව ඇති අතර, මේ හේතුවෙන් උඩරට දුම්රිය මාර්ගයේ ගමනා ගමනයට බාධා එල්ල වී ඇති බවයි වාර්තා වන්නේ.
දුම්රියේ එන්ජිම සහ මැදිරි දෙකක් මෙලෙස පීලි පැනීමට ලක්ව ඇති අතර, ඊයේ (15) රාත්රියේ බදුල්ල සිට කොළඹ බලා ගමන් ආරම්භ කළ රාත්රී තැපැල් දුම්රිය නානුඔය දුම්රිය ස්ථානයේ ද කොළඹ කොටුවේ සිට සිට බදුල්ල දක්වා ධාවනය වූ රාත්රී තැපැල් දුම්රිය හැටන් දුම්රිය ස්ථානයේ ද නවතා එහි මගීන්ට බස් රථ මඟින් ගමන් පහසුව සකසා දීමටයි කටයුතු කර ඇත්තේ.
නාවලපිටිය දුම්රිය ස්ථානයේ සහ බදුල්ල දුම්රිය ස්ථානයේ ආපදා අංශවල නිලධාරීන් පීලි පැනිමට ලක් වූ දුම්රිය නැවත පීලිගත කිරිමේ කටයුතු ආරම්භ කර තිබෙනවා.
