ලෝක ටෙස්ට් ශූරතා අවසන් මහා තරග තුනක සත්කාරකත්වය සඳහා එංගලන්තය තෝරාගෙන තිබෙනවා.
පසුගිය සති අන්තයේ සිංගප්පූරුවේ පැවති අයි.සී.සී වාර්ෂික සමුළුවේ දී මෙම තීරණය ගෙන ඇති බවයි වාර්තා වුණේ.
ඒ, අනුව ලෝක ටෙස්ට් ශූරතාවලියේ එළැඹෙන 2027 අදියර 2029 සහ 2031 යන අදියරයන්වල අවසන් මහා තරග වෙනුවෙන් සත්කාරකත්වය සඳහා එංගලන්තය තෝරාගෙන තිබෙනවා.
2021 වසරේ සිට 2025 දක්වා පැවති ටෙස්ට් ලෝක ශූරතා අවසන් මහා තරගය පැවැත්වීමේ දී එංගලන්ත දැක්වූ සාර්ථකත්වය සැලකිල්ලට ගෙන අයි.සී.සීය මෙම තීරණය ගෙන ඇති බවයි ක්රීඩා මාධ්ය වාර්තා කළේ.
කෙසේ වෙතත් ඓතිහාසික ලෝඩ්ස් ජාත්යන්තර ක්රීඩාංගණය ඉදිරි ලෝක ටෙස්ට් ශූරතා අවසන් මහා තරග සඳහා යොදාගන්නවා ද යන්න පිළිබඳව තවමත් තීරණයක් ගෙන නැහැ.
2023-2025 අදියරට අදාළ ටෙස්ට් ලෝක ශූරතාවේ අවසන් මහා තරගය ලෝඩ්ස් ක්රීඩාංගණයේ පැවැති අතර,එම අවසන් මහා තරගය ජයගැනීමට දකුණු අප්රිකාවට හැකියාව ලැබුණා.
