ලෝක ටෙස්ට් කණ්ඩායම් ශ්‍රේණිගත කිරීම් හි ශ්‍රී ලංකාවට උසස් වීමක්

ලෝක ටෙස්ට් කණ්ඩායම් ශ්‍රේණිගත කිරීම් හි ඊයේ (22) දිනයේ දී සිදු කළ නවතම යාවත්කාලීන කිරීම්වලට අනුව ශ්‍රී ලංකා කණ්ඩායම පස්වැනි ස්ථානයට පත් ව තිබෙනවා.

ඒ ටෙස්ට් තරග 25කට ක්‍රීඩා කරමින් ප්‍රසාද ලකුණු 2271ක් ලබා ගනිමින්.

ශ්‍රී ලංකා කණ්ඩායමේ ටෙස්ට් ජයග්‍රහණ ලැබීමේ සාමාන්‍ය අගය දැක්වෙන්නේ 91ක් වශයෙන්.

මෙම ලැයිස්තුවේ මුල් තැන සිටි ඉන්දීය කණ්ඩායම ස්ථානයක් පහතට වැටී තිබෙනවා.

ඒ සිය ස්ථානය වත්මන් ලෝක ශූර ඔස්ට්‍රෙලියාවට පිරිනමමින්.

ඔස්ට්‍රෙලියාව ටෙස්ට් තරග 30කට එක් ව ප්‍රසාද ලකුණු 3715ක් ලබා සිටිනවා.

ඉන්දියාව ලබා සිටින්නේ 3498ක් පමණයි.

මෙම ලැයිස්තුවේ තුන්වැනි තැන එංගලන්තයටත් සිව්වැනි තැන දකුණු අප්‍රිකාවටත් හිමිව තිබෙනවා.