ලොව පුරා ෆයර්වෝල් දසදහස් ගණනකට අනවසරයෙන් රිංගා ගනිමින්, මෘදුකාංග වෙනස් කිරීමට සහ තොරතුරු ලබා ගැනීමට කුමන්ත්රණය කිරීමට එරෙහිව චීනයට චෝදනා එල්ල වී තිබෙනවා.
චීන රජය පදනම් කරගත් චීන හැකර් කණ්ඩායම් විසින් මෙලෙස ප්රබල රාජ්යයන් හි මෘදුකාංග වෙත හොරෙන් පිවිස ඇති බවයි අමෙරිකා එක්සත් ජනපද රාජ්ය දෙපාර්තමේන්තුව ද චෝදනා කර සිටින්නේ.
2020 වර්ෂයේ දී ලොව පුරා ෆයර්වෝල් උපාංග අසීමිත ලෙස හැක් කිරීමේ කුමන්ත්රණ මාලාව ම චීනයේ මැදිහත් වීමෙන් සිදු ව ඇති බවට හෙළි ව තිබෙනවා.
මහජන චීන සමූහාණ්ඩුවේ (PRC) ජ්යේෂ්ඨතමයෙකු වන Guan Tianfeng ට චෝදනා කරමින් ඉන්දියානා හි Hammond හි ෆෙඩරල් අධිකරණය අද (13) ඊට එරෙහිව අධිචෝදනා පත්රයක් ද නිකුත් කර තිබෙනවා.
Guan මෙම අනීතික ක්රියාවලියට සිය කණ්ඩායම ද සම්බන්ධ කරගෙන ඇති බවත් Sichuan Silence Information Technology Co. හි කාර්යාලවල දී මේ බව අනාවරණය වී ඇති බවත් වාර්තා වනවා.
ලොව පුරා ෆයර්වෝල් උපාංග 81,000කට පමණ චීන හැකර්වරුන් පහර දී ඇති බවත් හෙළි ව තිබෙනවා.
