2024 පළමු කාර්තුවේ දී ලෝකයේ හොඳම වර්ධක වරාය ලෙස කොළඹ වරාය නම් කර තිබෙනවා.
ජනාධිපති මාධ්‍ය අංශය නිවේදනයක් නිකුත් කරමින් සඳහන් කළේ; 23.6% ක විශිෂ්ට වර්ධන වේගයක් සමග මෙහෙයුම් කාර්ය සාධනයේ සැලකිය යුතු ප්‍රගතියක් මේ වනවිට (30) අත්පත් වන බවයි.
වරාය, නාවික හා ගුවන්සේවා අමාත්‍යාංශයේ ලේකම් කේ. ඩී. එස් රුවන්චන්ද්‍ර මේ බව සඳහන් කළා.
2024 වසරේ ජාත්‍යන්තර මගී සංචලන මිලියන 4.3ක් සහ එය 2023 ජූලි මාසයට සාපේක්ෂ ව 26.10%ක වර්ධනයක් බවත් වරාය, නාවික හා ගුවන් සේවා අමාත්‍යාංශය පවසනවා.
2024 වසරේ පළමු කාර්තුව තුළ කොළඹ වරාය අමෙරිකානු ඩොලර් මිලියන 50ක ආදායමක් ලබා ඇති බව ද පෙන්වා දුන් ඒ මහතා එම ප්‍රගතිය අත්පත් කර ගැනීමේ දී පසුගිය කාලය තුළ පැවති විවිධ වෘත්තීය ක්‍රියාමාර්ග කිසිදු බාධාවකින් තොර ව සිදු වූ බවයි කියා සිටියේ.
වරාය, නාවික හා ගුවන්සේවා අමාත්‍යාංශයේ ලේකම් කේ. ඩී. එස් රුවන්චන්ද්‍ර මහතා මේ බව සඳහන් කර සිටියේ ‘දෙවසරක ප්‍රගතිය සහ ඉදිරිය’ යන මැයෙන් ඊයේ (29) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක්වෙමින්.
