රක්ෂිත බන්ධනාගාර ගත කළ හිටපු රාජ්ය අමාත්ය ලොහාන් රත්වත්තේ අධිකරණට ඉදිරිපත් කිරීමට පෙර අද (07) පෙරවරුවේ කොළඹ අධිකරණ වෛද්ය නිලධාරීවරයා වෙත ඉදිරිපත් කරනු ලැබුවා.
එහිදී සිදුකළ පරීක්ෂා කිරීමේ දී; මත්පැන්වලට අමතරව තවත් විෂ මත්ද්රව්යක් ඔහුගේ ශරීර ගතව ඇති බවට අනාවරණය වී තිබෙනවා.
මේ සම්බන්ධයෙන් අද (07) දිනයේ අධිකරණයට කරුණු වාර්තා කළ බවයි පැමිණිල්ල වෙනුවෙන් පෙනී සිටි නීතිඥ ජගත් අබේනායක සඳහන් කළේ.
අනතුරක් සිදු කිරීම සම්බන්ධයෙන් වූ රථවාහන නඩුවක් සහ කලහාකාරී ලෙස හැසිරී පුද්ගලයින් දෙදෙනෙකුට මරණ තර්ජනය සිදුකිරීම යන චෝදනා යටතේ හිටපු රාජ්ය අමාත්ය ලොහාන් රත්වත්තේ අද (07 ) දහවල් කොළඹ අලුත්කඩේ මහේස්ත්රාත් අධිකරණය වෙත ඉදිරිපත් කළා.
එහිදී අධිකරණය නියෝග කළේ ලබන 09 වනදා දක්වා ඔහුව රක්ෂිත බන්ධනාගාර ගත කරන ලෙසයි.
ඒ අනුව ඔහු කොළඹ නව මැගසින් බන්ධනාගාර වෙත රැගෙන ගියා.
කොළඹ, කොල්ලුපිටිය ප්රදේශයේ දී බීමතින් රිය ධාවනය කළ අනතුරක් සිදු කිරීම සම්බන්ධයෙන් හිටපු රාජ්ය අමාත්ය ලොහාන් රත්වත්තේ ඊයේ (06) කොල්ලුපිටිය පොලිසිය මඟින් අත්අඩංගුවට ගෙන මෙලෙස අධිකරණය හමුවට ඉදිරිපත් කළා.
