ලොව විශාලතම සංචාරක නෞකාව ලෙසට සැලකෙන Icon of the Seas ෆ්ලොරිඩාවේ මියාමි සිට සිය මංගල ගමන ආරම්භ කර තිබෙනවා.
ඒ යාත්රාවේ මීතේන් විමෝචනය පිළිබඳ පවතින විවිධ මතබේධාත්මක තත්වයන් මධ්යයේයි.
දිගින් මීටර් 365ක් (අඩි 1,197) යුත් Icon of the Seas මහල් 20 කින් සමන්විත වන අතර උපරිම වශයෙන් මගීන් 7,600කට ගමන් කිරීමේ හැකියාව පවතිනවා.
සංචාරක නෞකාවේ හිමිකාරීත්වය Royal Caribbean Group සතුයි. මෙම යාත්රාව සිය මංගල ගමනේදී නිවර්තන කලාපයේ දින හතක සංචාරයක නිරත වනවා.
නමුත් පරිසරවේදීන් අනතුරු අඟවන්නේ ද්රව ස්වභාවික වායුවකින් ක්රියාත්මක වන නෞකාවෙන් අහිතකර මීතේන් වාතයට කාන්දු වන බවයි.
LNG සාගර ඉන්ධනයක් ලෙස භාවිතා කිරීමෙන් 120% කට වඩා වැඩි හරිතාගාර වායු විමෝචනයක් සිදු වන බවටයි ඔවුන් ඇස්තමේන්තු ගත කර ඇත්තේ.
සාම්ප්රදායික සමුද්ර ඉන්ධන වලට වඩා LNG පිරිසිදුව දහනය වන නමුත් කාන්දු වීමේ අවදානමක් පවතින බව සඳහන්.
Icon of Seas ගොඩනැගීමට ඩොලර් බිලියන 2ක් (£1.6bn) වැය වී තිබෙනවා. එය පිහිනුම් තටාක හතක්, ජල කඳු බෑවුම් හයක් සහ ආපනශාලා, බාර් සහ විවේකාගාර 40කට වඩා ඇති සුපිරි ගනයේ නෞකාවක් ලෙසටයි සැලකෙන්නේ.
