ලොව ප්‍රියජනක ම දිවයින ලෙස ශ්‍රී ලංකාව රන් සම්මානයෙන් පිදුම් ලබා තිබෙනවා.
මෙම සම්මාන උලෙළ පැවැත්වුණේ එංගලන්තයේ – ලන්ඩන් නුවරදියි.
Wanderlust Reader Travel Awards -2024 විසින් මෙම සම්මාන උලෙළ සංවිධානය කර තිබූ අතර ඒ සඳහා මනාප ලබාදීම ලොව පුරා වෙසෙන ජනතාවට සිදු කළ හැකි වුණා.
ඒ අනුව ලොව සංචාරකයින් වැඩි වශයෙන් සංචාරය කිරීමට කැමති මෙන් ම ප්‍රියජනක ම දිවයින සඳහා වන මනාප ලැයිස්තුවේ වැඩිම මනාප හිමිවුණේ ශ්‍රී ලංකාවටයි.
ශ්‍රී ලංකාවට පසුගිය වසරේ මෙම ලැයිස්තුවේ 08 වැනි ස්ථානය හිමි වූ අතර මෙවර එය වෙනස් වී පළමු තැන දක්වා ඉදිරියට පැමිණ ජයග්‍රහණය කර තිබෙනවා.
මිලියන 03කට අධික සංචාරකයින් විසින් ශ්‍රී ලංකා වෙනුවෙන් ඡන්දය ප්‍රකාශ කරන ලද බවයි වාර්තා වන්නේ.
මෙම සම්මානය ශ්‍රී ලංකාවේ ආකර්ෂණීය භූ දර්ශන සහ ලොව පුරා සිටින අමුත්තන් වශී කරවන පොහොසත් ඉතිහාසය ඉස්මතු කරවන බව ද එම සම්මාන උලෙළේ දී ප්‍රකාශ වුණා.
අනෙකුත් කාණ්ඩවල දී, ඔස්ට්‍රෙලියාව ලොව වඩාත් කැමතිම රට ලෙස තේරී පත් ව ඇති අතර, ටෝකියෝ නුවර වඩාත් කැමතිම නගරය ලෙස සම්මානයට පාත්‍ර වුණා.
