ඇලපාත පොලිස් වසමේ කනාදොල – ඉලුක්තැන්න මාර්ගයේ අංක 79 රබර් වතුයාය ආසන්නයේ දී පාසල් සිසුවියක් ලොරි රථයක ගැටී අනතුරක් සිදුව තිබෙනවා.
මාර්ගය අයිනේ ගමන් කරමින් සිටි පාසල් සිසුවියකගේ ලොරි රථය ගැටී මෙම අනතුර සිදුව ඇත්තේ ඊයේ (06) දහවල් කාලයේදීයි.
අනතුරින් බරපතළ තුවාල ලැබූ සිසුවිය රත්නපුර රෝහලට ඇතුළත් කිරීමෙන් පසු මියගොස් ඇති බවයි පොලිසිය සඳහන් කළේ.
මියගිය සිසුවිය වයස අවුරුදු 11 ක් වූ අලුකැටිය ප්රදේශයේ පදිංචිකාරියක්.
අනතුර සම්බන්ධයෙන් සැකකාර රියදුරා අත්අඩංගුවට ගෙන ඇති අතර, ඇලපාත පොලිසිය වැඩිදුර විමර්ශන සිදුකරනු ලබනවා.
