ටයිල් ප්‍රවාහනය කරමින් තිබූ ලොරි රථයක් මාර්ගය හරහා පෙරලී යාමෙන් සිදු වූ අනතුරකින් බදුල්ල – බණ්ඩාරවෙල ප්‍රධාන මාර්ගය අවහිර වී තිබෙනවා.
අද (23) පෙරවරුවේ මෙම අනතුර සිදු ව ඇත්තේ කොළඹ සිට බදුල්ල දක්වා ධාවනය වෙමින් තිබූ ටයිල් ප්‍රවාහනය කරමින් තිබූ ලොරි රථයක්.
එය දෙමෝදර මංසන්ධියේ දී පෙරලී ගොස් තිබෙනවා.
අනතුරින් තුවාල ලැබූ රියැදුරු සහ එහි සහායකයා දෙමෝදර ප්‍රාදේශීය රෝහලට ඇතුළත් කර ඇති අතර එම අනතුරින් ටයිල් සියල්ලම බිඳී ගොස් ඇති බවත් වාර්තා වනවා.
අනතුර සිදුවන අවස්ථාවේ දී අසල තිබූ ත්‍රීවීල් රියකට ද හානි වී ඇති බවයි ප්‍රාදේශීය වාර්තාකරු පැවසුවේ.
අනතුරට හේතුව මෙතෙක් අනාවරණය වී නොමැති අතර ඇල්ල පොලිසිය විමර්ශන සිදු කරනවා.
