වාද්දුව පොලිසිය විසින් ඇප මත මුදා හරින ලද සැකකරුවෙකු ලේ වමනය කර, මියයෑමේ සිද්ධියට එරෙහිව ඊයේ (12) දිනයේ දී අත් අඩංගුවට ගන්නා ලද පොලිස් කොස්තාපල්වරු සිව්දෙනාට ඇප හිමි ව තිබෙනවා.
අද (13) පස්වරුවේ අදාළ සැකකාර පොලිස් කොස්තාපල්වරු සිව්දෙනා පානදුර මහේස්ත්රාත් අධිකරණයට ඉදිරිපත් කිරීමෙන් අනතුරුව එක් අයෙකු රුපියල් ලක්ෂ 10ක ශරීර ඇප මත මුදා හැරීමටයි පානදුර ප්රධාන මහේස්ත්රාත් චම්පික රාජපක්ෂ මහතා නියෝග කළේ.
ඒ අනුව මෙම නඩුව නැවත මේ මස 17 වැනිදා නැවත කැඳවීමට නියමිතයි.
පෙරේදා (11) දිනයේ දී වාද්දුව ප්රදේශයේ ම පදිංචිකරුවෙකු අත් අඩංගුවට ගෙන තිබූ අතර හෙතෙම පොලිස් ඇප මත නිදහස් කෙරුණා.
නමුත් ඔහු නිදහස් ව පැමිණීමෙන් අනතුරුව ලේ වමනය කිරීමෙන් පසු රෝහල්ගත කෙරුණු බවත් ඉන් අනතුරුව ජීවිතක්ෂයට පත් ව ඇති බවයි වාර්තා වූයේ.
මෙම සිදුවීමට එරෙහිව එම තරුණයාගේ ඥාතීන් සහ ප්රදේශවාසීන් එක් ව වාද්දූව පොලිස් ස්ථානය ඉදිරිපිට විරෝධතාවක් පැවැත්වූවා.
ඉන් අනතුරුවයි අදාළ සිද්ධිය සම්බන්ධයෙන් පරීක්ෂණයක් කර සැකකරුවන් ලෙස පොලිස් කොස්තාපලවරුන් සිව්දෙනෙකු අත් අඩංගුවට ගත්තේ.
