කිසිදු සාධාරණ හේතුවක් නොමැති ව එක්සත් ජාතීන්ගේ සිවිල් හා දේශපාලන අයිතිවාසිකම් පිළිබඳ සම්මුති පනත යටතේ තමන්ව අත්අඩංගුවට ගෙන රක්ෂිත බන්ධනාගාරගත කිරීම තුළින් පොලිසිය සිය මූලික මිනිස් අයිතීන් උල්ලංඝනය කර ඇතැයි චෝදනා කරමින් ශක්තික සත්කුමාර විසින් ඉදිරිපත් කළ මූලික අයිතිවාසිකම් පෙත්සම සලකා බැලීම සඳහා ලබන ජූනි මස 7 වැනිදා කැඳවන ලෙස ශ්රේෂ්ඨාධිකරණය නියම කළා.
එම පෙත්සම අද ප්රීති පද්මන් සූරසේන, යසන්ත කෝදාගොඩ සහ අර්ජුන ඔබේසේකර යන විනිසුරුවරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබුවා.
එහිදී ඉදිරිපත් වූ කරුණු සලකා බැලූ විනිසුරු මඩුල්ල අදාළ පෙත්සම සලකා බැලීම සඳහා ජුනි මස 07 වනදා කැඳවන ලෙසයි නියෝග කළේ.
පෙත්සම්කරු කියා සිටින්නේ තමන් විසින් මුහුණු පොතේ පළ කරන ලද කෙටි කතාවක අන්තර්ගත කරුණුවලින් ආගමික නොසන්සුන්තාවක් ඇති විය හැකි බවට චෝදනා කරමින් 2019 වසරේ අප්රේල් මස 01 වනදා පොල්ගහවෙල පොලීසිය විසින් තමන්ව අත්අඩංගුවට ගෙන රක්ෂිත බන්ධනාගාරගත කළ බවයි.
ඉන් අනතුරුව තමන්ව නිදහස් කිරීමට කටයුතු කෙරුණු බවත් පෙත්සම්කරු පවසනවා.
මේ තුළින් සිය මූලික මිනිස් අයිතිවාසිකම් උල්ලංඝනය වූ බවට තීන්දුවක් ලබාදෙන ලෙසත් තමාව කිසිදු පදනමක් නොමැතිව අත්අඩංගුවට ගනු ලැබූ පොල්ගහවෙල පොලීසියේ එවක ප්රධාන පොලිස් පරීක්ෂක ආර්. එම්. සිරිල්ට එරෙහි ව විනය ක්රියාමාර්ග ගන්නා ලෙස බලධාරීන් වෙත නියෝගයක් නිකුත් කරන ලෙසත් ඔවුන් වැඩිදුරටත් තම පෙත්සමෙන් අයැද සිටියා.
