ලෙබනනයේ බීරූට් අගනුවර ගොඩනැඟිල්ලක් කඩා වැටීමෙන් සිදුවූ අනතුරකින් මියගිය ශ්‍රී ලාංකික කාන්තාවගේ මෘත දේහය මෙරටට ගෙන්වා ගැනීමට ගැටළු කිහිපයක් පවතින බව විදේශ සේවා නියුක්ති කාර්යාංශයේ මාධ්‍ය ප්‍රකාශක ගාමිණී සෙනරත් යාපා පවසනවා.
අද (23) පෙරවරුවේ මාධ්‍ය හමුවක් පවත්වමින් මාධ්‍ය ප්‍රකාශකවරයා මේ බව සඳහන් කළා.
එහිදී ඔහු වැඩිදුරටත් සඳහන් කර සිටියේ මියගිය ශ්‍රී ලාංකික කාන්තාවගේ මෘත දේහය මෙරටට ගෙන්වා ගැනීමට කළ උත්සාහයේ දී එම දේහය නරක් වී ඇති බවයි.
එමෙන්ම එම මෘත දේහය මෙරටට ගේනවා ගැනීමට ගුවන්යානාවල ද ගැටළුවක් පවතින බව ඔහු සඳහන් කර සිටියා.
මෙලෙස මෘත දේහයන් ගෙන්වා ගැනීමට හැකි ගුවන් යානයක් ඇත්තේ සතියකට එක් වතාවක් පමණක් බවද මාධ්‍ය ප්‍රකාශකවරයා මෙහිදී පැවසුවා.
කෙසේ වෙතත් මියගිය කාන්තාවගේ ඥාතීන්ගේ අවශ්‍යතාවය අනුව කටයුතු කිරීමට විදේශ සේවා නියුක්ති කාර්යාංශය බැඳී සිටින බව ද ඔහු සඳහන් අර සිටියා.
මේ අතර මියගිය කාන්තාව ශ්‍රී ලංකා විදේශ සේවා නියුක්ති කාර්යාංශයේ ලියාපදිංචි වී විදෙස් ගතව ඇති බවත්, මියයන විට ඇයගේ ලියාපදිංචිය අවලංගු වී තිබූ බවයි වාර්තා වුණේ.
ලෙබනනයේ, බීරූට් අගනුවර ගොඩනැගිල්ලක් කඩා වැටීමෙන් මියගොස් තිබුණේ මාතර, මිරිස්ස ප්‍රදේශයේ පදිංචි 65 හැවිරිදි කාන්තාවක්.
පසුගිය 16 වනදා සිදුවූ මෙම අනතුරින් මෙම කාන්තාවගේ හාම්පුතා ද ජීවිතක්ෂයට පත්ව ඇති බවට තොරතුරු වාර්තා වනවා.
