ලිට්රෝ සමාගමේ සභාපති තෙෂාර ජයසිංහ එම ධූරයෙන් ඉවත් කිරීමට ගෙන තිබූ තීරණය ජනාධිපති ගෝඨාභය රාජපක්ෂ මහතාගේ උපදෙස් මත අත්හිටුවා ඇතැයි රජයේ ආරංචි මාර්ග පවසනවා.
ජනාධිපතිවරයා අද ලිට්රෝ සමාගමේ කළ නිරීක්ෂණ චාරිකාව අතරතුර මුදල් අමාත්යංශයේ ලේකම්වරයාට මේ පිළිබඳව උපදෙස් දී ඇති බවයි එම ආරංචි මාර්ග සඳහන් කළේ.
මුදල් අමාත්යංශයේ ලේකම් එස්. ආර්. ආටිගල විසින් ඊයේ ශ්රී ලංකා රක්ෂණ සංස්ථාවේ සමාගම් ලේකම් වෙත යැවූ ලිපියක දැක්වුණේ, ලිට්රෝ සමාගමේ සභාපති ධූරයෙන් තෙෂාර ජයසිංහ ඉවත් කර එම තනතුර සඳහා හිටපු පළාත් සභා මන්ත්රී රේණුක පෙරේරා මහතා පත් කිරීමට අවශ්ය පියවර ගන්නා බවට වාර්තා පළවුවා.
