ලිට්රෝ ගෑස් මිල ඉහළ දැමීමේ යෝජනාව අද රැස්වන අමාත්ය මණ්ඩලයට ඉදිරිපත් කිරීමට නියමිත බව වාර්තා වනවා. කිලෝග්රෑම් 12.5 ගෘහස්ථ ගෑස් සිලින්ඩරයක මිල රුපියල් 835 කින් ඉහළ නංවන ලෙස ලිට්රෝ ගෑස් සමාගම ඉකුත්දා මුදල් අමාත්යංශයෙන් ඉල්ලීමක් කර තිබුණා. ඒ අනුවයි මුදල් අමාත්යංශය විසින් එම ඉල්ලීම අමාත්ය මණ්ඩලය වෙත අද ඉදිරිපත් කිරීමට නියමිතව ඇත්තේ.
කිලෝ ග්රෑම් 12.5 ගෘහස්ථ ගෑස් සිලින්ඩරයක් අලෙවි කිරීමේ දී ලිට්රෝ සමාගම රුපියල් 2,000ක පමණ පාඩුවක් ලබන බවයි ලිට්රෝ ගෑස් සමාගම සුරැකීමේ සංවිධානය ඉකුත්දා ප්රකාශ කළේ. එම සමාගමේ ප්රචාරණ කළමණාකරු පියල් කොළඹහෙට්ටිගේ පැවසුවේ පවතින තත්ත්වයන් යටතේ කිලෝ ග්රෑම් 12.5 ගෘහස්ථ ගෑස් සිලින්ඩරයක පිරිවැය රුපියල් 4,462ක් පමණ වන බවයි.
ලිට්රෝ සමාගම කිලෝ ග්රෑම් 12.5 ගෘහස්ථ ගෑස් සිලින්ඩරයක් මේ වන විට අලෙවි කරන්නේ රුපියල් 2,675ක මිලකටයි.
