ලිට්‍රෝ ගෑස් මිල ඉහළට

ලිට්‍රෝ සමාගම මඟින් වෙළඳපොළට නිකුත් කරනු ලබන කිලෝ ග්‍රෑම් 12.5 ගෘහස්ත ගෑස් සිලින්ඩරයක මිල රුපියල් 145.00 කින් මිල ඉහළ දමා තිබෙනවා.

ඊට අමතරව කිලෝ ග්‍රෑම් 05 ගෑස් සිලින්ඩරයක මිල රුපියල් 54.00කින් සහ කිලෝග්‍රෑම් 2.3ක සිලින්ඩරයක මිල රුපියල් 26.00කින් මිල ඉහළ දැමීමට තීරණය කළ බවයි එම සමාගමේ සභාපති මුදිත පීරිස් සඳහන් කළේ.

මෙම මිල ඉහළ දැමීමත් සමඟ කිලෝ ග්‍රෑම් 12.5ක ගෑස් සිලින්ඩරයක නව මිල වන්නේ රුපියල් 3,127ක්.

කිලෝ ග්‍රෑම් 05 ගෑස් සිලින්ඩරයක නව මිල රුපියල් 1,256ක් වන අතර, කිලෝ ග්‍රෑම් 2.3ක ගෑස් සිලින්ඩරයක නව මිල රුපියල් 587ක් ලෙස දැක්වෙනවා.

මෙම මිල වැඩි කිරීම අද (04) මධ්‍යම රාත්‍රියේ සිට ක්‍රියාත්මක බව සභාපතිවරයා අද පෙරවරුවේ පැවති මාධ්‍ය හමුවේ දී සඳහන් කර සිටියා.

ලෝක වෙළඳපොළේ පවතින ගෑස් මිලට සාපේක්ෂව මෙම මිල සංශෝධනය කරන බවයි ඔහු වැඩිදුරටත් සඳහන් කළේ.

මෙම වසරේ මේ දකවා කාලය තුළ ගෑස් මිල සංශෝධනය කරනු ලැබූ 06 වන අවස්ථාව මෙය වනවා.