ලිට්‍රෝ ගෑස් මිල අඩුවෙයි (වීඩියෝ)

අද (04) මධ්‍යම රාත්‍රියේ සිට ක්‍රියාත්මක වන පරිදි ලිට්‍රෝ ගෑස් සමාගම සිය මිල ගණන් සංශෝධනය කර තිබෙනවා.

ඒ අනුව කිලෝග්‍රෑම් 12.5ක ගෘහස්ත ගෑස් සිලින්ඩරයක මිල පහත දමා ඇත්තේ රුපියල් 452කින්. එහි නව මිල රුපියල් 3,186ක් වනවා.

මේ අතර කිලෝ ග්‍රෑම් 5 ලිට්‍රෝ ගෑස් සිලින්ඩරයක් රුපියල් 181කින් පහත දමා ඇති අතර එහි නව මිල රුපියල් 1,281ක්.

කිලෝගෑම් 2.3ක ගෑස් සිලින්ඩරයක මිල පහත දමා ඇත්තේ රුපියල් 19 කින් වන අතර එහි නව මිල රුපියල් 598ක් වනු ඇති.

පසුගිය මැයි මස 3 වනදා ලිට්‍රෝ සමාගම සිදුකළ මිල සංශෝධනයේදී ද ගෑස් මිල අඩු කෙරුණා.

එහිදී කිලෝග්‍රෑම් 12.5ක ගෑස් සිලින්ඩරයක මිල රුපියල් 100කින්, කිලෝග්‍රෑම් 5ක ගෑස් සිලින්ඩරයක මිල රුපියල් 40කින් සහ කිලෝග්‍රෑම් 2.3ක ගෑස් සිලින්ඩරයක මිල රුපියල් 19කින් පහළ දැමීමටයි කටයුතු කෙරුණේ.

මේ අතර, LAUGFS Gas PLC විසින් සිය ගෘහස්ථ ගෑස් සිලින්ඩරවල මිල ගණන් ද සංශෝධනය කිරීමට තීරණය කර ඇති බව නිවේදනය කර තිබෙනවා.

නිවේදනයක් නිකුත් කරමින් සමාගම කියා සිටියේ සංශෝධිත මිල ගණන් ඉදිරියේදී ප්‍රකාශයට පත් කරන බවයි.