එළඹෙන ජූලි මස මුල් දින කිහිපයේදී පෙට්‍රල් හා ඩීසල් මිල ගණන් වන යලි සංශෝධනයක් සිදුවීමට බොහෝ දුරට ඉඩකඩ තිබෙන බවයි ආරංචි මාර්ග පෙන්වා දෙන්නේ.
ඒ අනුව පෙට්‍රල් ලීටරයක් රු. 5 – 7 කින්ද ඩීසල් ලීටරයක් රු.3 කින්ද අඩු වනු ඇති බවයි එම ආරංචි මාර්ග වැඩිදුරටත් සඳහන් කරන්නේ.
බැසිල් ප්‍රමුඛත්වය ගැනීම
මෙම අඩු කිරීම් සිදුවන්නේ බැසිල් රාජපක්ෂ මහතාගේ නිර්දේශයන් මත බවත් වාර්තා වනවා.
විශේෂයෙන්ම ලබන මස මුල බැසිල් රාජපක්ෂ මහතා පාර්ලිමේන්තු මන්ත්‍රීවරයකු ලෙස පත් වීමෙන් අනතුරුව කැබිනට් අමාත්‍යවරයෙකු ලෙස වැඩ භාර ගැනීමෙන් පසු මෙම සංශෝධනයන් සිදුවනු ඇති බවයි දැනගන්නට තිබෙන්නේ.
ජීවන වියදම අඩු කිරීමේ වගකීම
බැසිල් රාජපක්ෂ මහතා වැඩ භාර ගැනීමට නියමිත අමාත්‍යාංශයට ජාතික ආර්ථිකය සහ ජීවන වියදම හා බැඳී බොහෝ විෂයයන් ඇතුළත් වීමට නියමිත බවයි දැනගන්නට තිබෙන්නේ.
බැසිල් රාජපක්ෂ මහතා රටේ සිටියේ නම් මෙවැනි තෙල් මිල වැඩි කිරීමක් සිදුවීමට ඉඩ නොදෙන බව තෙල් මිල ගණන් වැඩි වූ අවස්ථාවේ රාජ්‍ය අමාත්‍ය නිමල් ලන්සා ඇතුළු බැසිල් රාජපක්ෂ මහතාට හිතවත් පිරිසක් ප්‍රසිද්ධියේම ප්‍රකාශ කළා
