පසුගිය වසර තුළ එක්සත් රාජධානියේ සිට චීනයට සොරකම් කරන ලද ජංගම දුරකථන 40,000ක් ජාවාරම් කළ බවට සැක කෙරෙන ජාත්‍යන්තර කල්ලියක් විසුරුවා හැරීමට සමත් වූ බව එරට පොලිසිය පවසනවා.
දුරකථන සොරකම්වලට එරෙහිව එක්සත් රාජධානියේ මෙතෙක් සිදුකළ විශාලතම මෙහෙයුම ලෙස මෙට්‍රොපොලිටන් පොලිසිය පවසන පරිදි, සැකකරුවන් 18 දෙනෙකු අත්අඩංගුවට ගෙන ඇති අතර සොරකම් කරන ලද උපාංග 2,000 කට වඩා සොයාගෙන තිබෙනවා.
ලන්ඩනයේ සොරකම් කරන ලද සියලුම දුරකථන වලින් අඩක් පමණ අපනයනය කිරීම සඳහා මෙම කල්ලිය වගකිව යුතු යැයි පොලිසිය විශ්වාස කරයි.
පසුගිය වසරේ වින්දිතයෙකු සොරකම් කරන ලද දුරකථනයක් සොයා ගැනීමෙන් පසුව විමර්ශනය ආරම්භ කරනු ලැබුවා.
එලෙස සොරකම් කරන දුරකථන හොංකොං වෙත නැව්ගත කරන බව සොයා ගත්තා.
පසුගිය වසර හතර තුළ ලන්ඩනයේ සොරකම් කරන ලද දුරකථන සංඛ්‍යාව 2020 දී 28,609 සිට 2024 දී 80,588 දක්වා තුන් ගුණයකින් වැඩි වී තිබෙනවා.
