ශ්‍රී ලංකාව ජාත්‍යන්තර වාණිජ ණයහිමියන් සමග ණය ප්‍රතිව්‍යූහගතකරණය සම්බන්ධයෙන් තවත් එකඟතාවකට මුලපුරා තිබෙනවා.
ඒ අනුව ශ්‍රී ලංකා රජය සහ වාණිජ ණය හිමියන් අමෙරිකානු ඩොලර් බිලියන 17.5ක ණය ප්‍රතිව්‍යූහගතකරණයක් සඳහා එකඟතාවකට පැමිණ ඇති බවයි වාර්තා වන්නේ.
මෙම ණය ප්‍රමාණයේ වර්තමාන අගයෙන් 40.3%ක සහනයක් වශයෙන් හිමිවීම ද විශේෂත්වයක්.
ශ්‍රී ලංකාවට කැපී පෙනෙන ණය සහනයක් මෙතුළින් හිමිවන බවත් පොලී ගෙවීම් ද අඩුවීම තුළින් මෙරට මූල්‍ය ස්ථාවරත්වය ශක්තිමත් වන බවත් රජයේ අපේක්ෂාවයි.
