බස්නාහිර පළාත් බුද්ධි කොට්ඨාශයට අනුයුක්ත ගුවන්තොටුපළ බුද්ධි කොට්ඨාශයට ලද තොරතුරක් මත ගුවන්තොටුපළ පොලිසිය දැනුවත් කිරීමෙන් අනතුරුව ලක්ෂ පහළොවකට අධික දුම්වැටි තොගයක් ගුවන් තොටුපළ පරිශ්‍රයේදී අද (04) උදෑසන පොලිස් භාරයට ගනු ලැබුවා.
තබ්බෝව පළුගස්වැව ප්‍රදේශයේ පදිංචි කාන්තාවක් මෙසේ ඩුබායි රාජ්‍යයේ සිට මෙම දුම්වැටි තොගය රැගෙන ඇවිත් ඇති බවයි වාර්තා වන්නේ.
ඩුබායි රාජයේ සිටි කිසියම් පුද්ගලයකු විසින් මෙම දුම්වැටි තොගය රැගෙන ඒමට උපදෙස් ලබා දී ඇති බවයි අප වාර්තාකරු සඳහන් කළේ.
මෙම ඩුබායි රාජ්‍යයේ සිටින පුද්ගලයා කලක සිට මෙසේ දුම්වැටි විවිධ පුද්ගලයන් ලබාදී මෙරටට රැගෙන ඇවිත් ඇති අතර මෙම පුද්ගලයා සොයා ඉදිරි විමර්ශන කටයුතු කටුනායක ගුවන් තොටුපොළ පොලිසිය විසින් ආරම්භ කර තිබෙනවා.
