මහනුවර – උතුර ඩිපෝවට අනුයුක්තව සේවය කරන බස් රථ රියදුරෙකුට උල් ආයුධයකින් ඇන බරපතළ තුවාල සිදුකළ බව කියන ත්රිරෝද රථ රියදුරෙක් අත්අඩංගුවට ගැනීමට පොලීසිය පරීක්ෂණ පවත්වනවා.
මෙම සිද්ධියෙන් බරපතළ තුවාල ලැබූ රියදුරා අද (20) දහවල් මහනුවර මහ රෝහලට ඇතුළත් කර ඇති බවයි අප වාර්තාකරු සඳහන් කළේ.
මහනුවර තැපල් කාර්යාලය ඉදිරිපිට බස් රථය ගාල් කිරීමට යාමේ දී අසළ තිබූ ත්රිරෝද රථයක් මදක් ඉවතට ගන්නා ලෙස කළ දැනුම්දීමකින් අනතුරුව ඇති වූ බහින් බස්වීමක දී ත්රිරෝද රථ රියදුරා විසින් බස් රථ රියදුරාගේ මුහුණට උල් ආයුධයකින් ඇන ඇති බවයි වාර්තා වන්නේ.
මෙහිදී බරපතළ තුවාල ලැබූ බස් රථ රියදුරා වහාම රෝහල් ගත කිරීමට බස් රථයේ කොන්දොස්තරවරයා ඇතුළු අසල සිටි පිරිස් කටයුතු කර තිබෙනවා.
සිද්ධියෙන් පසු පලා ගොස් ඇති සැකකාර ත්රිරෝද රථ රියදුරා කටුගස්තොට ප්රදේශයේ පදිංචි අයෙක් බවට හඳුනාගෙන ඇති බවයි මහනුවර පොලීසිය පැවසුවේ.
