රත්මලාන ඩිපෝවට අයත් ලංගම බස් රථයකින් නීති විරෝධී මත්පැන් ප්රවාහනය කළ බස් රථ රියදුරා පානදුර නගරයේ දී අත්අඩංගුවට ගෙන තිබෙනවා.
පානදුර දකුණ පොලිසිය මඟින් මෙම සැකකාර රියදුරා අත්අඩංගුවට ගෙන ඇති අතර, ඔහු විසින් විරෝධී මත්පැන් මිලි ලීටර් 3000ක් ප්රවාහනය කරමින් සිටි බවයි පොලිසිය පැවසුවේ.
අලුත්ගම සිට කොළඹ බලා ධාවනය වූ ලංගම බස් රථයක නීති විරෝධී මත්පැන් ප්රවාහනය කරන බවට ලද තොරතුරක් මත එම රථය නවතා පරීක්ෂාවකට ලක්කර තිබෙනවා.
එහිදී බස් රථය තුළ ඉතා සූක්ෂම අයුරින් සඟවා තිබූ මෙම නීති විරෝධී මත්පැන් සොයාගත් බවයි පොලිසිය සඳහන් කළේ.
අත්අඩංගුවට ගත් රියදුරු වැලිපැන්න ප්රදේශයේ පදිංචි 49 හැවිරිදි වියේ පසුවන අයෙක්.
සැකකරු පානදුර මහේස්ත්රාත් අධිකරණය වෙත ඉදිරිපත් කිරීමට නියමිත බවයි පොලිසිය සඳහන් කළේ.
