ලංකා වාණිජ මණ්ඩලය සහ ජාතික ජන බලවේගය අතර හමුවක් ඊයේ (01) පස්වරුවේ සිදු ව තිබෙනවා.
මෙම හමුව සිදු ව ඇත්තේ ජ.වි.පෙ. ප්‍රධාන කාර්යාලයේ දී ලංකා වාණිජ මණ්ඩලයේ සභාපති දුමින්ද හුලංගමුව ඇතුළු නියෝජිත පිරිසක් සහ ජාතික ජන බලවේගයේ නායක අනුර කුමාර දිසානායක අතර යි.
ලංකා වාණිජ මණ්ඩලය විසින් සම්පාදනය කරන ලද ‘Vision 2030 – පස් අවුරුදු ආර්ථික සැලැස්ම’ ප්‍රකාශනයේ පිටපතක් මෙම අවස්ථාවේ දී ජාතික ජන බලවේගය වෙත ලබාදීම සිදු කෙරුණා.
මේ අවස්ථාව සඳහා ලංකා වාණිජ මණ්ඩලයේ උප සභාපති ක්‍රිෂාන් බාලේන්ද්‍ර, නියෝජ්‍ය උප සභාපති බිඟුමාල් තෙවරතන්ත්‍රී සහ අධ්‍යක්ෂ මණ්ඩල නියෝජිතයින් වන අමල් කබ්රාල්, සරත් ගනේගොඩ, සුපුන් වීරසිංහ, විනෝද් හයිඩ්‍රාමනී යන මහත්වරු ඇතුළු පිරිසක් ද ජාතික ජන බලවේගයේ ජාතික විධායක සභිකයින් වන මහාචාර්ය අනිල් ජයන්ත සහ ආචාර්ය හර්ෂණ සූරියප්පෙරුම යන පිරිස් ද එක්ව සිටියා.
