මෙරට පොදු ප්රවාහනය නවීකරණය කිරීමේ අරමුණින් 2007 අංක 7 දරණ සමාගම් පනතේ විධිවිධාන යටතේ ශ්රී ලංකා ගමනාගමන මණ්ඩලයට අයත් පරිපාලිත සමාගමක් ලෙස ලංකා මෙට්රො ට්රාන්සිට් (පුද්ගලික) සමාගම 2025-10-03 දින සංස්ථාගත කරනු ලැබ තිබෙනවා.
ක්ලීන් ශ්රී ලංකා වැඩසටහන යටතේ වෙන් කර දෙන ලද අරමුදල් මඟින් මිල දී ගනු ලැබූ පත්ල පහත් බස් රථ 10ක් යොදා ගනිමින් එම සමාගම විසින් ආරම්භ කරනු ලැබුවා.
කොළඹ නාගරික ප්රවාහන නියමු මෙහෙයුම් කටයුතු වල වර්තමාන ප්රගතිය සැලකිල්ලට ගැනීමේදී එම සේවාවේ වාණිජමය
ශක්යතාව සහ මහජන පිළිගැනීම තහවුරු වී තිබෙනවා.
ඒ, අනුව එම සමාගම විසින් එළඹෙන සැප්තැම්බර් මාසයේදී තවත් පත්ල පහත් බස් රථ 112ක් සේවයේ යෙදවීමටයි සැලසුම් කර ඇත්තේ.
අදාළ මෙහෙයුම් කටයුතු විධිමත්ව හා කාර්යක්ෂමව පවත්වා ගෙන යාම සඳහා ඒකල ප්රදේශයේ අංග සම්පූර්ණ මධ්යම වැඩපොළක් ඉදි කිරීම, තලංගම, කඩවත, රත්මලාන හා හෝමාගම යන ස්ථානයන්හි නවීන බස් ඩිපෝ ඉදි කිරීම, අභ්යන්තර මාර්ග හා බස් නැවතුම් අංගන සංවර්ධනය කිරීම ආදී යටිතල පහසුකම් කඩිනමින් සංවර්ධනය කිරීමේ අවශ්යතාව හඳුනාගෙන තිබෙනවා.
ඒ, අනුව එකී යටිතල පහසුකම් සංවර්ධනය කිරීමේ කටයුතු වෙනුවෙන් යොදා ගැනීම සඳහා ලංකා මෙට්රො ට්රාන්සිට් (පුද්ගලික) සමාගම වෙත රුපියල් මිලියන 800 ක් මෙම වර්ෂය තුළදී සහ 2027 වසරේ සමාගමේ මෙහෙයුම් කටයුතු සඳහා තවත් රුපියල් මිලියන 267.5ක් වශයෙන් හිමිකම් ප්රාග්ධනය සලසා දීමට අමාත්ය මණ්ඩලයේ අනුමැතිය හිමිව තිබෙනවා.
