ලංකා ප්රිමියර් ලීග් ක්රිකට් තරගාවලියේ අවසන් මහා තරගය අද රාත්රියේ පැවැත්වෙනවා.
ගෝල් ගැලන්ට්ස් සහ ජැෆ්නා කිංග්ස් කණ්ඩායම් මෙවර එල්.පී.එල් තරගාවලියේ අවසන් මහා තරගයට සුදුකම් ලබා ඇති අතර, අවසන් මහා තරගය පැවැත්වෙන්නේ කොළඹ ආර්.ප්රේමදාස ක්රීඩාංගණයේදීයි.
මෙවර තරගාවලියේ පළමු Qualifier තරගයේ දී ගෝල් ගැලන්ට්ස් කණ්ඩායම පරාජය කළ ජැෆ්නා කිංග්ස් කණ්ඩායම අවසන් මහා තරගයට සුදුකම් ලබා ගත්තා.
පළමු Qualifier තරගයේ දී පරාජය වූ ගෝල් ගැලන්ට්ස් කණ්ඩායම Eliminator තරගය ජයගත් කලම්බෝ කැප්ස් කණ්ඩායම සමඟ දෙවන Qualifier තරගයට මුහුණ දුන්නා.
එම තරගය කලම්බෝ කැප්ස් කණ්ඩායම පරාජය කළ ගෝල් ගැලන්ට්ස් මෙවර අවසන් මහා තරගය සඳහා තේරී පත් වුණා.
2026 එල්.පී.එල් තරගාවලියේ අවසන් මහා තරගය අද රාත්රී 7.30ට ආරම්භ වීමට නියමිතයි.
මේ අතර අද පැවැත්වෙන අවසන් මහා තරගය නැරඹීම සඳහා ක්රීඩාලෝලීන්ට නොමිලේ ක්රීඩාංගණයට ඇතුළුවීමට අවස්ථාව ලබාදී තිබෙනවා.
