සෞඛ්ය අමාත්යංශය විසින් යුද හමුදාපති ලුතිනන් ජෙනරාල් විකුම් ලියනගේ මහතාගෙන් කළ ඉල්ලීමකට අනුව රෝහල් කටයුතු බාධාවකින් තොරව පවත්වාගෙන යාම සඳහා යුද හමුදා භටපිරිස් යොදවා තිබෙනවා.
ඒ දිවයින පුරා රජයේ රෝහල්වල සුළු සේවක වෘත්තීය සමිති විසින් ඉල්ලීම් කිහිපයක් මුල්කර ගනිමින් ක්රියාත්මක කරනු ලබන වැඩ වර්ජනය හේතුවෙන් අඩාල වූ රෝහල් කටයුතු බාධාවකින් තොරව පවත්වාගෙන යාම සඳහායි.
ඒ අනුව බටහිර සහ මධ්යම ආරක්ෂක සේනා ආඥාපතිවරුන්ගේ අධීක්ෂණය යටතේ කොළඹ සහ මහනුවර ජාතික රෝහල්, කලුබෝවිල, කරාපිටිය, මහමෝදර, පේරාදෙණිය සහ කුරුණෑගල ශික්ෂණ රෝහල්, මාතර බලංගොඩ, ඇහැළියගොඩ, නාවලපිටිය, බදුල්ල, ගම්පොල, මීරිගම යන රෝහල්වල දෛනික කටයුතු බාධාවකින් තොරව අඛණ්ඩව පවත්වාගෙන යාම සඳහායි මෙලෙස යුද හමුදා භට පිරිස් යොදවා ඇත්තේ.
මේවන විට එම රෝහල්වල අවශ්යතාව අනුව යුද්ධ හමුදාවේ 500කට ආසන්න භට පිරිස් ප්රමාණයක් යොදවා ඇති බව යුද හමුදාව ප්රකාශ කළා.
හදිසි අවශ්යතාවයක් ඇති වුවහොත් ඒ සඳහා යෙදවීම සඳහා අවශ්යය භට පිරිස් සූදානම් කරන ලෙසට සහ වෘත්තීය ක්රියාමාර්ග හේතුවෙන් මහජනතාවට සිය දෛනික කටයුතු කිසිදු බාධාවකින් තොරව පවත්වාගෙන යාමට අවශ්යය සියලුම පියවර ගන්නා ලෙසත් යුද හමුදාපතිවරයා සියලු ආරක්ෂක සේනා ආඥාපතිවරුන්ට උපදෙස් ලබා දී තිබෙනවා.
