මාතර වැලිගම හේන්වල ප්රදේශයේ පදිංචි උපතින්ම දෙපාවල යටිපතුල් දෙක උඩු අතට පිහිටි මාස 2ක කුඩා දරුවෙකු පිළිබඳ පුවතක් ඉකුත් දෙසැම්බර් 11 වැනිදා මාධ්ය විසින් වාර්තා කරනු ලැබූ අතර එම පුවතත් සමඟ දිවයිනේ නන් දෙසින් පැමිණි ජනතාව ඔවුන්ට උදව් උපකාර කිරීමට ඉදිරිපත් වී තිබුණා.
ඒ අතර දරුවාගේ සැත්කමට අවශ්ය මුදල්ද දෙස් විදෙස් ශ්රී ලාංකීය පරිත්යාග ශීලීන් ඔවුන්ගේ බැංකු ගිණුම වෙත තැන්පත් කළද වංචනික ලෙස එම ගිණුමෙන් රුපියල් 40,000ක මුදලක් සොරා ගෙන ඇති බව දරුවාගේ මව පවසනවා.
මේ පිළිබඳ අදහස් දැක්වු දරුවාගේ මව මෙසේ කියා සිටියා,
“මට සිකුරාදා හවස 5ට විතර කෝල් එකක් ආවා. එකවුන්ට් නම්බර් එක ඉල්ලුවා. මම එකවුන්ට් නම්බර් එකත් දුන්නා. මගේ අයිඩින්ටි නම්බර් එකත් ඉල්ලුවා. ඒකත් දුන්නා. ඔයාගේ ෆෝන් එකට මැසේජ් එකක් එයි මම සල්ලි දැම්මහම කියලා. මම එවන මැසේජ් එකේ අංක ටික කියන්න කිව්වා. මම දන්නේ නෑ. නංගි කිව්වා. ඊට පස්සේ මට කොළඹ බැංකුවෙන් කෝල් එකක් ආවා ඔයාගේ මුදල් පැහැර අරගෙන කියලා.”
