ශ්රී ලංකාවේ ප්රධාන අපනයන අංශයක් වන රෙදිපිළි හා ඇඟලුම් ක්ෂේත්රයේ අපනයන ආදායම මෙම වසරේ මුල් මාස 04 තුළ පහත වැටී ඇති බව ශ්රී ලංකා මහ බැංකුවේ ආර්ථික පර්යේෂණ දෙපාර්තමේන්තුව නිකුත් කළ නවතම වාර්තාවක සඳහන්.
ඒ අනුව 2026 ජනවාරි සිට අප්රේල් දක්වා වූ මුල් මාස 045 තුළ රෙදිපිළි හා ඇඟලුම් අපනයන ආදායම ඇමරිකානු ඩොලර් මිලියන 1,624.7ක් ලෙස සටහන් වී තිබෙනවා.
2025 වසරේ මුල් මාස හතර තුළ එය ඩොලර් මිලියන 1,751.8ක් ලෙස දැක්වුණා.
ඒ අනුව පසුගිය වසරට සාපේක්ෂව මෙම වසරේ මුල් කාර්තුව තුළ රෙදිපිළි හා ඇඟලුම් අපනයන ආදායම 7.3% කින් පහළ ගොස් තිබෙනවා.
මේ අතර, 2026 වසරේ මුල් මාස හතරේ දී මෙරට සමස්ත අපනයන ආදායම සුළු වශයෙන් ඉහළ ගොස් තිබෙනවා.
එය 2025 වසරේ එම කාල සීමාවේ වාර්තා වූ ඩොලර් මිලියන 4,315.6 සිට ඩොලර් මිලියන 4,534.9 දක්වා වැඩිව ඇති බව සංඛ්යා දත්තවල දැක්වෙන්නේ.
කෙසේ වෙතත් මුල් මාස හතර තුළ ආනයන වියදම සැලකිය යුතු ලෙස ඉහළ ගොස් ඇති අතර, 2025 වසරේ ඩොලර් මිලියන 6,572.9ක් වූ ආනයන වියදම මෙම වසරේ ඩොලර් මිලියන 8,227.9ක් දක්වා ඉහළ ගොස් ඇති බව සඳහන්.
