ගාල්ල – හබරාදූව රූමස්සල මුහුදේ දී ධීවර යාත්රාවක් පෙරළී අනතුරක් සිදු ව තිබෙනවා.
මෙම අනතුර ඊයේ (11) රාත්රියේ දී සිදු ව ඇති අතර, එහි සිටි ධීවරයින් දෙදෙනකු අතුරුදන් ව ඇතැයි වාර්තා වන්නේ.
මෙලෙස අනතුරට ලක් ව ඇත්තේ ගාල්ල – දෙවට මුහුදු ප්රදේශයෙන් ඊයේ පස්වරුවේ මුහුදු ගිය එක්දින ධීවර යාත්රාවක්.
නුගදුව සහ මාගල්ල පදිංචි ධීවරයින් දෙදෙනෙකු මෙම අනතුරින් මේ වනවිට අතුරුදන් ව ඇති බවට පොලිසිය පවසනවා.
අනතුර සිදුවන අවස්ථාවේ දී යාත්රාවේ ධීවරයින් තිදෙනෙක් ගොස් ඇති අතර රළ පහරට හසුව යාත්රාව උණවටුන – රූමස්සල මුහුදේ දී පෙරළී තිබෙනවා.
එහි සිටි එක් ධීවරයෙකු පීනාගෙන ගොඩබිමට පැමිණ ඇති බවයි වාර්තා වන්නේ.
ගොඩබිමට පැමිණි ධීවරයාව කරාපිටිය රෝහලට ඇතුළත් කෙරුණා.
අතුරුදන් වූ ධීවරයින් දෙදෙනා සහ බෝට්ටුව සෙවීමේ කටයුතු පොලිසිය සහ නාවික හමුදාව එක් ව සිදු කළ ද මෙතෙක් එය හමුවී නැහැ.
ඔබේ ප්රතිචාරය කුමක්ද ?
+1
+1
+1
+1
+1
1
+1
+1
