මෙරට සංගීත ක්ෂේත්‍රයට සහ ඕස්ට්‍රේලියාවේ ශ්‍රී ලාංකික ප්‍රජාවට දැක් වූ කැපීපෙනෙන දායකත්වය වෙනුවෙන් සංගීතඥ රූකාන්ත ගුණතිලක සහ ඔහුගේ බිරිඳ ඕස්ට්‍රේලියාවේ වික්ටෝරියා පාර්ලිමේන්තුවේ ගෞරව සම්මානයකින් පිදුම් ලබා තිබෙනවා.
ඕස්ට්‍රේලියාවේ වික්ටෝරියා පාර්ලිමේන්තුවේ ඉහළම ගෞරව සම්මානයකින් ඔවුන්ව මෙලෙස පිදුම් ලබා ඇති බවයි වාර්තා වන්නේ.
සංගීතඥ රූකාන්ත ගුණතිලක සහ ඔහුගේ බිරිඳවන චන්ද්‍රලේකා පෙරේරා වෙනුවෙන් විශේෂ උත්සවයක් එරට පාර්ලිමේන්තුවේ දී සංවිධානය කර තිබුණා.
ඕස්ට්‍රේලියානු විපක්ෂ නායක ජෝන් පෙසුටෝ සහ රිචඩ් වෙල්ඩ් විසින් මෙය සංවිධානය කර තිබූ අතර, මෙරට කලාකරුවෙක් මෙවැනි ගෞවරයක් හිමිකරගත් ප්‍රථම අවස්ථාව ද මෙය වනවා.
රූකාන්ත සහ චන්ද්‍රලේඛාගේ දියණියන් වන රයිනි ගුණතිලක හා වින්ඩි ගුණතිලක ද, බෑණනුවන් වන ගායන ශිල්පී සනුක වික්‍රමසිංහට ද මෙහිදී විශේෂ සම්මාන පිරිනැමුණා.
රූකාන්ත නැමති අපේ කාලයේ විශිෂ්ඨම සංගීත වේදියාව ශ්‍රී ලංකාව තුල තවමත් නිසි ඇගයීමකට ලක්වී නැහැ. එවන් පසුබිමක ඔස්ට්‍රේලියාවේදී ඔහුට ලැබුණු මෙම ගෞරව සම්මානය ගැන ඉතාමත් සතුටු වෙනවා