ගාල්ල – දෙවැට ප්‍රදේශයේ අධිවේගී පිවිසුම් මාර්ගයේ දුම්රිය හරස් මාර්ගය ආසන්නයේ දී මරදාන සිට බෙලිඅත්ත දක්වා ධාවනය වූ රුහුණු කුමාරී දුම්රියේ ගැටී පුද්ගලයෙකු ජීවිතක්ෂයට පත්ව තිබෙනවා.
මෙලෙස මියගොස් ඇත්තේ වයස අවුරුදු 40 ක පමණ පුද්ගලයක්.
ඊයේ (18) පස්වරු 6 ට පමණ මෙම අනතුර සිදුව ඇති අතර ඒ හේතුවෙන් ගාල්ල – මාතර ප්‍රධාන මාර්ගයේ දෙවැට මංසන්ධිය ඇතුළු අධිවේගී පිවිසුම් මාර්ගය ද දැඩි රථ වාහන තදබදයක් ද පැවති බවයි අප වාර්තාකරු සඳහන් කළේ.
