රුසියාවේ මොස්කව් කලාපයට දැවැන්ත ඩ්‍රෝන ප්‍රහාර මාලාවක් එල්ල වී තිබෙනවා.
එරට වේලාවෙන් අද (16) අලුයම මෙම ප්‍රහාරය සිදුව ඇති අතර, මොස්කව් කලාපීය ආණ්ඩුකාර ඇන්ඩ්‍රි වොරොබියොව් පවසන්නේ එය මෑත කාලයේ කලාපයට එල්ල වූ විශාලතම ඩ්‍රෝන් ප්‍රහාරවලින් එකක් බවයි.
මේ අතර මෙම ප්‍රහාරයෙන් පුද්ගලයින් හත් දෙනෙකු මියගොස් ඇති බව විදෙස් මාධ්‍ය වාර්තා කරනවා.
යුක්රේනටය එල්ල කළ මෙම ප්‍රහාරයෙන් රුසියාවේ විශාලතම මාර්ගගත සිල්ලර වෙළෙන්දා වන වයිල්ඩ්බෙරි සමාගමට අයත් විශාලතම ගබඩාවට හානි සිදුව ඇති බව වාර්තා වනවා.
මේ අතර යුක්රේන හමුදාව පවසන්නේ බටහිර රුසියාවේ රොස්තොව් කලාපයේ කමෙන්ස්කි හි මිසයිල නිෂ්පාදන කම්හලකට පහර දුන් බවයි.
