රුසියානු හමුදාවේ සාමාජිකයින් සංඛ්යාව තවත් 180,000 කින් වැඩි කරන ලෙස ජනාධිපති ව්ලැඩිමීර් පුටින් නියෝග කර තිබෙනවා.
මේ සමඟ රුසියාවේ සමස්ත හමුදා සාමාජිකයින් සංඛ්යාව මිලියන 2.4ක් දක්වා ඉහළ යන බවයි වාර්තා වන්නේ.
රුසියාව, යුක්රේනය සමඟ 2022 පෙබරවාරි මාසයේ දී යුද්ධය ආරම්භ කළ දා සිට හමුදා සංඛ්යාව ඉහළ දැමීමට පුටින්ගෙන් නියෝග ලැබුණු තුන්වන අවස්ථාව මෙය වනවා.
ක්රෙම්ලිනය විසින් සඳුදා ප්රකාශයට පත් කරන ලද නියෝගය අනුව, නව හමුදා සාමාජිකයින් එළඹෙන දෙසැම්බර් මාසයේ දී ක්රියාත්මක වන බව සඳහන්.
පසුගිය මාසයේ යුක්රේනය රුසියාවේ දකුණු කර්ස්ක් කලාපයේ දේශසීමා හරහා ප්රහාරයක් දියත් කිරීමෙන් පසුව පුටින්ගේ මෙම නියෝගයට හේතු වී ඇති බවයි විදෙස් මාධ්ය වාර්තා කළේ.
