මුහුදේ ගසාගෙන ගිය රුසියානු ජාතික යුවළක් බේරාගැනීමට මුහුදට පැන්න සංචාරක හෝටල් ජීවිත ආරක්ෂක නිළධාරියෙකු මුහුදේ ගිලී ජීවිතක්ෂයට පත්ව තිබෙනවා.
මෙලෙස මියගොස් ඇත්තේ කළුතර උතුර – සුමංගල පාරේ පදිංචිව සිටි 36 හැවිරිදි දෙදරු පියෙක්.
මෙම පුද්ගලයා වස්කඩුව ප්රදේශයේ සංචාරක හෝටලයක ජීවිත ආරක්ෂක නිළධාරීයෙකු ලෙස සේවය කර ඇති බවයි වාර්තා වන්නේ.
අද (23) දහවල් රුසියනු ජාතික සංචාරක යුවළක් මුහුදේ දියනාමින් සිටිය දී රළ පහරට හසුව ගසාගෙන ගොස් තිබෙනවා.
එම අවස්ථාවේ මෙම පුද්ගලයා ඔවුන්ව බේරාගැනීමට මුහුදට පැන ඇති අතර, ඔහු ද රළ පහරට හසුව ගසාගෙන ගොස් ඇති බවයි වාර්තා වුණේ.
ඔහුව බේරාගැනීමට හෝටලයේ සේවකයින් දෙදෙනෙක් ද මුහුදට පැන ඇති අතර, එම උත්සාහය ද ව්යර්ථ වී ඇත්තේ එම සේවකයින් දෙදෙනාත් මුහුදේ ගසාගෙන යාම හේතුවෙන්.
ඒ, අනුව මෙම පිරිස බේරාගැනීමට අවට සිටි තරුණයින් පිරිසක් සහ හෝටලයේ තවත් සේවකයින් පිරිසක් ඉදිරිපත්ව ඇති අතර, ඔවුන්ගේ මැදිහත්වීමෙන් විදෙස් ජාතික යුවළගේ සහ හෝටල් සේවකයින් දෙදෙනාගේ ජීවිත ගලවා ගැනීමට සමත්ව තිබෙනවා.
රුසියානු ජාතික යුවළ බේරාගැනීමට මුහුදට පැන්න ජීවිත ආරක්ෂක නිළධාරියා ද ගොඩට ගැනීමට ඔවුන් සමත්ව ඇති අතර, ඒ වනවිටත් අසාධ්ය තත්ත්වයේ පසුවූ ඔහු වහාම රෝහල් ගත කිරීමට කටයුතු කර ඇති බව සඳහන්.
ත්රීරෝද රථයකින් කළුතර ශීක්ෂණ රෝහලට ඔහු රැගෙන ගොස් ඇති අතර, ඒ වනවිටත් මෙම පුද්ගලයා මියගොස් සිට ඇති බව රෝහල් ප්රකාශකයෙක් පැවසුවා.
කළුතර උතුර පොලිසිය මෙම සිද්ධිට සම්බන්ධයෙන් පරීක්ෂණ පවත්වනු ලබනවා.
