ඉන්දියාවේ නවදිල්ලි නුවර පිහිටි රුවන්ඩා මහකොමසාරිස් කාර්යාලයේ ශ්රී ලංකාව පිළිබඳ රුවන්ඩා ජනරජයේ මහ කොමසාරිස් ජැකලීන් මුකන්ගිරා (Jacqueline Mukangira) මහත්මිය සහ මෙරට අග්රාමාත්ය ආචාර්ය හරිනි අමරසූරිය මහත්මිය අතර හමුවක් සිදු කෙරුණා.
මෙම නිල හමුව ඊයේ (03) අග්රාමාත්ය කාර්යාලයේ දී සිදු වූ බවයි වාර්තා වන්නේ.
දෙරට අතර පවතින සහ ඉදිරියේ දී සිදු කළ හැකි ද්විපාර්ශ්වික සහයෝගීතාව සහ ප්රධාන ක්ෂේත්ර කෙරෙහි අන්යෝන්ය අවශ්යතා පිළිබඳ ව වැඩි අවධානයක් යොමු ව තිබෙනවා.
ශ්රී ලංකාව සමග ශක්තිමත් රාජ්ය තාන්ත්රික සහ ආර්ථික සබඳතා අඛණ්ඩ ව පවත්වාගෙන යාමට රුවන්ඩාවේ අපේක්ෂාව පිළිබඳ මහකොමසාරිස්වරිය එහිදී යළිත් අවධාරණය කර ඇති බවයි වාර්තා වන්නේ.
දෙරට අතර වෙළෙඳාම, ආයෝජනය සහ දැනුම හුවමාරුව පුළුල් කිරීම සඳහා ද්විපාර්ශ්වික සහයෝගීතාව වැඩි දියුණු කිරීම පිළිබඳ ව ද මෙහිදී අදහස් හුවමාරු වී තිබෙනවා.
