රුපියල් ලක්ෂ 04කට අධික හෙරොයින් මත්කුඩු සහ එම ජාවාරමෙන් උපයාගත් මුදල් සමග සංවිධානාත්මක අපරාධ කල්ලි සාමාජිකයෙකු අත් අඩංගුවට ගෙන තිබෙනවා.
හිරණ පොලිසිය විසින් සැකකරු ව අත් අඩංගුවට ගෙන ඇත්තේ හෙරොයින් මත්කුඩු ග්රෑම් 16ක් සහ රුපියල් 35000ක ද මුදලක් සමගින්.
බුද්ධි නිලධාරීන්ට ලද තොරතුරක් අනුව සැකකරු අත්අඩංගුවට ගෙන ඇත්තේ හිරණ – බෙක්කේගම පාලම අසල දීයි.
අත්අඩංගුවට ගත් සැකකරු මනුෂ්ය ඝාතනයකට හා වෙඩි තැබීමේ සිද්ධියකට සම්බන්ධ සැකකරුවෙකු බව ද හෙළි ව තිබෙනවා.
31 හැවිරිදි සැකකරු පානදුර මහේස්ත්රාත් අධිකරණයට ඉදිරිපත් කිරීමට නියමිතයි.
