දේශීය සහල් වර්ග සඳහා උපරිම මිලක් නියම කරමින් රජය විසින් ඊයේ (02) විශේෂ ගැසට් නිවේදනයක් නිකුත් කළා.
පාරිභෝගික කටයුතු පිළිබද අධිකාරියේ සභාපතිවරයාගේ අත්සනින් යුතුව එම ගැසට් නිවේදනය නිකුත් කර තිබෙනවා.
ඒ අනුව දේශීය සුදු සහ රතු නාඩු කිලෝග්‍රෑමයක් සඳහා රුපියල් 220ක උපරිම සිල්ලර මිලක් නියම කර ඇති අතර නව ගැසට් නිවේදනයට අනුව, සුදු සහ රතු සම්බා සහල් කිලෝග්‍රෑමයකට නියමකර ඇති උපරිම සිල්ලර මිල රුපියල් 230ක්
දේශිය කීරි සම්බා කිලෝග්‍රෑමයක් සඳහා රුපියල් 260ක උපරිම සිල්ලර මිලක් නියම කර තිබෙනවා.
මෙලෙස නිකුත් කළ නව ගැසට් නිවේදනයට අනුව එම දේශිය සහල් වර්ග උපරිම සිල්ලර මිලට වඩා වැඩියෙන් අලෙවි කිරීම, සැපයීම, වෙළදාම් කිරීම සඳහා ඉදිරිපත් කිරීම හෝ වෙළදාම් සඳහා ප්‍රදර්ශනය කිරීම තහනම් වනවා.
මේ අතර වී අලෙවි මණ්ඩලය විසින් මහ කන්නයේ වී මිලදී ගැනීම පසුගිය පෙබරවාරි මාසයේ දී ආරම්භ කළා.
ඒ අනුව රජය විසින් නාඩු වී කිලෝවක් රුපියල් 90කටත්, සම්බා වී කිලෝවක් රුපියල් 92කටත්, කීරි සම්බා වී කිලෝවක් රුපියල් 95ක මිලකටත් මිලදී ගන්නා බවයි වී අලෙවි මණ්ඩලය සඳහන් කළේ.
