නීති විරෝධීව මෙරටට ගෙන්වා තිබූ රුපියල් කෝටි 50 කට ආසන්න වටිනාකමින් යුත් දුම්වැටි තොගයක් ශ්රී ලංකා රේගුවේ අත්අඩංගුවට ගෙන තිබෙනවා.
ඩුබායි රාජ්යයේ සිට පිටකොටුවේ ආයතනයකට රෙදි තොගයක් ලෙස සඳහන් කර එවා තිබූ අඩි 20 බහාලුමක් පිළිබඳ ඇතිවූ සැකයක් මත කළ පරික්ෂාවක දීයි මෙම දුම්වැටි හමුවී ඇත්තේ.
එහි තිබී බ්රිතාන්යයේ නිෂ්පාදිත දුම්වැටි 2,999,400ක් සොයාගෙන තිබෙනවා.
මෙම බහාලුමේ රෙදි රෝල් 266ක් ගබඩාකර තිබෙන බව සඳහන්ව තිබුණ ද රෙදි රෝල් 38ක් පමණක් තිබී ඇති අතර මෙය හිමිකරුවන් විසින් නිදහස් කරගත්තේ නම් රජයට රුපියල් කෝටි 40ක පමණ බදු ආදායමක් අහිමිවන බවයි රේගු නිලධාරීන් ප්රකාශ කර ඇත්තේ.
අදාළ දුම්වැටි තොගය පිළිබඳව ශ්රී ලංකාවේ නැව් නියෝජිත ආයතනය හරහා ඩුබායිහි පිහිටි නියෝජිත ආයතනයෙන් කරුණු විමසා ඇති අතර නීතිවිරෝධී ආයතනය සහ පුද්ගලයන් පිළිබඳව ද රේගු ආදායම් අධීක්ෂණ අංශය වැඩිදුර පරීක්ෂණ ආරම්භ කර තිබෙනවා.
මෙම දුම්වැටි ගබඩා කර තිබූ බහාලුම ඔරුගොඩවත්තේ පිහිටි ආර්.සී.ටී. පර්යන්තයේදී අද (22) පස්වරුවේ විවෘත කළ අතර එම අවස්ථාවට මුදල් රාජ්ය අමාත්ය රංජිත් සියඹලාපිටිය මහතා ද එක්ව සිටියා.
