නවසීලන්තය සමඟ ඉන්දෝර් හි හෙට (24) ආරම්භවීමට නියමිත තුන්වන සහ අවසන් එක්දින තරගයට පෙර ඉන්දීය කණ්ඩායමේ ක්රීඩකයින් කිහිප දෙනෙක් උජ්ජයින් හි සුප්රසිද්ධ මහාකාලේස්වර් කෝවිලට ගොස් ඇති බව ඉන්දීය මාධ්ය වාර්තා කරනවා.
ඉන්දීය කණ්ඩායමේ සූර්යකුමාර් යාදෙව්, කුල්දීප් යාදෙව් සහ වොෂින්ටන් සුන්දර් මෙලෙස මහාකාලේස්වර් කෝවිලට ගොස් ඇති බවයි වාර්තා වන්නේ.
පසුගියදා දරුණු රිය අනතුරකට පත්ව ප්රථිකාර ලබන ඉන්දීය ක්රීඩක රිෂාබ් පාන්ට්ට ඉක්මන් සුවය පතා ආශීර්වාද කිරීමේ අරමුණ ඇතිව ඔවුන් මෙලෙස කෝවිලට ගොස් පූජා පවත්වා ඇති බවයි විදෙස් මාධ්ය සඳහන් කළේ.
“රිෂාබ් පාන්ට් ඉක්මන් සුවය ප්රාර්ථනා කළා. ඔහුගේ නැවත පැමිණීම අපට ඉතා වැදගත්” යනුවෙන් සූර්යකුමාර් එහිදී මාධ්යට පවසා තිබෙනවා.
ඉන්දීය ක්රිකට් ක්රීඩක රිෂාබ් පාන්ට් පසුගිය දෙසැම්බර් 30 වැනි දින අලුයම අධිවේගී මාර්ගයක දී ඔහු ගමන් ගත මෝටර් රථය අනතුරට පත්ව බරපතළ තුවාල ලැබුවා.
එහිදී ඔහු ඩෙහ්රාඩුන් හි මැක්ස් රෝහලේ ප්රතිකාර ලබමින් සිටි අතර, වැඩිදුර ප්රථිකාර සඳහා ගුවන් මඟින් මුම්බායි වෙත ගෙන ඒමටයි පසුව කටයුතු කරනු ලැබුවේ.
මේ වනවිට රිෂාබ් පාන්ට්ගේ තත්ත්වය යහපත් අතර හැරෙමින් පවතින බවයි ඔහුට ප්රථිකාර කරන වෛද්ය කණ්ඩායමේ සඳහන් කර සිටියේ.
