කහතුඩුව – වෑතර රෝහල ඉදිරිපිටින් ධාවනය වූ මෝටර් රථයක් එහි නවතා තිබූ යතුරුපැදියක සහ ත්රිරෝද රථයක ගැටීමෙන් අනතුරක් සිදුව තිබෙනවා.
අනතුරින් බරපතළ තුවාල ලබා ඇත්තේ වෑතර මහා විද්යාලයේ 10 වැනි පන්තියේ ඉගෙනුම ලබන 15 හැවිරිදි සිසුවෙක් බවයි පොලීසිය පැවසුවේ.
අනතුරින් බරපතළ තුවාල ලැබූ සිසුවා වෑතර රෝහලට ඇතුළත් කිරීමෙන් පසු වැඩිදුර ප්රතිකාර සඳහා කළුබෝවිල ශික්ෂණ රෝහල වෙත මාරුකර යවා තිබෙනවා.
පිළියන්දල සිට කහතුඩුව දෙසට ධාවනය වූ මෝටර් රථයේ දකුණු පස රෝදයේ හුළං යෑම හේතුවෙන් රියදුරුට මෝටර් රථය පාලනය කරගත නොහැකිව අනතුරට ලක්ව ඇති බවයි වැඩිදුර විමර්ශනවලදී අනාවරණය වී ඇත්තේ.
29 හැවිරිදි මෝටර් රථයේ රියදුරු පොලිසිය විසින් අත්අඩංගුවට ගෙන තිබෙනවා.
