යාපනය,චාවකච්චේරි ප්‍රදේශයේ දී රිය අනතුරකට ලක්ව යාපනය රෝහලේ ප්‍රතිකාර ලබන ජාතික ජන බලවේගයේ යාපනය දිස්ත්‍රික් පාර්ලිමේන්තු මන්ත්‍රී කේ. ඉලන්කුමාරන්ගේ සුවදුක් විමසීම වෙනුවෙන් අගමැතිනි හරිනි අමරසූරිය ඊයේ (15) පස්වරුවේ
යාපනය රෝහලට පැමිණියා.
මන්ත්‍රීවරයා මොටර් රථයකින් මන්නාරම සිට යාපනය බලා ගමන් කරමින් සිටින අතරතුර, ඊයේ (15) පස්වරුවේ රිය අනතුරකට ලක්ව ප්‍රතිකාර සඳහා ඇතුළත් කර තිබුණේ යාපනය රෝහලටයි.
මන්ත්‍රීවරයාගේ සුවදුක් විමසීම රෝහල වෙත පැමිණි අගමැතිනිය යාපනය රෝහලේ පවතින ගැටළු සම්බන්ධයෙන් ද රෝහල් බළධාරීන් සමඟ සාකච්ඡාකර තිබෙනවා.
යාපනය රෝහලේ ප්‍රතිකාර ලබන අනෙකුත් රෝගීන්ගේ ද සුවදුක් විමසීමට අගමැතිනිය එහිදී කටයුතු කර ඇති බවයි වාර්තා වුණේ.
