තරුණයින් පිරිසක් එක් ව රාත්‍රී කාලයේ දී වාද්දූව – මැදපාර ප්‍රදේශයේ නිවාසවලට ගල් ගසන බවට පොලිසියට පැමිණිලි ලැබී තිබෙනවා.
ප්‍රදේශවාසීන් විසින් මෙම පැමිණිලි සිදු කරන ලද බවත් ඒ අනුව වාද්දූව පොලිසිය විමර්ශන ආරම්භ කර තිබූ බවයි වාර්තා වන්නේ.
එම ප්‍රදේශවාසීන් සැක කර ඇත්තේ එම ප්‍රදේශයේ සිටින තරුණයින් කණ්ඩායමක් එක් ව මෙම අනීතික ක්‍රියාව සිදු කරන බවයි.
දින කිහිපයක සිට වාද්දුව පොලිස් වසමට අයත් වාද්දුව – තල්පිටිය මැද පාර ප්‍රදේශයේ නිවාසවලට රාත්‍රී කාලයේ දී ගල් ගසමින් ජනතාව භීතියට සහ කෝපයට පත් කරන බවටයි පැමිණිලි කර ඇත්තේ.
ඇතැම් ගල් ප්‍රහාර වැදී නිවැසියන් තුවාල ලබා ද තිබෙනවා.
කෙසේවෙතත් ඊයේ (18) රාත්‍රියේ දී ගල් ගැසීම් සිදු කිරීමට සම්බන්ධ තරුණයින් පිරිසක් පොලිස් අත් අඩංගුවට ගැනුණා.
මෙම තරුණයින් දිවයිනේ විවිධ ප්‍රදේශවලින් රැකියා සඳහා නාවික ක්ෂේත්‍රයට සම්බන්ධ පාඨමාලාවක් හැදෑරීමට එම ප්‍රදේශයේ ම නිවසක් කුලියට ගෙන සිටි පුද්ගලයන් බවත් හෙළි ව තිබෙනවා.
වාද්දුව පොලිසිය ප්‍රකාශ කළේ මෙම සිද්ධිය ගැන විමර්ශන සිදු කරන බවයි.
