මැතිවරණ දේශපාලන රැස්වීමක දී ජනතාවට ඇති ගැටලු කවරේ දැයි විමසූ විට ඉදිරිපෙළ අසුන් ගෙන සිටි තරුණයෙකු තමන්ගෙන් අරක්කු භාගයක් මිලට ගැනීමට යම්කිසි මුදලක් දෙන ලෙසට ඉල්ලා සිටි බවත්; තමන් ඒ අවස්ථාවේ දී එය අසරණ, නිර්ව්‍යාජ ඉල්ලීමක් බැවින් රුපියල් 500ක් ලබා දී පැමිණි බවත් හිටපු පාර්ලිමේන්තු මන්ත්‍රී රංජන් රාමනායක මහතා පවසනවා.
අද (28) එක්සත් ප්‍රජාතන්ත්‍රවාදී හඬ පක්ෂය සංවිධානය කළ විශේෂ මාධ්‍ය හමුවකට එක්වෙමින් රංජන් රාමනායක මහතා මේ බව සඳහන් කළා.
ඊයේ (27) කොටුගොඩ ප්‍රදේශයේ තමන් සහභාගී වූ දේශපාලන රැස්වීමක් පැවති බවයි හිටපු පාර්ලිමේන්තු මන්ත්‍රීවරයා කියා සිටියේ.
තමන් කිසිදු ලෙසකින් සිය පෞද්ගලික ගතිගුණ වෙනස් නොකරන බවත්; නමුත් මැතිවරණ නීතිරීතිවලට ගරු කරමින් කටයුතු කළ යුතු කාලවකවානුවක් බැවින් මේ වනවිට ජනතාවට විවිධාකාරයෙන් සහය ලබාදීම, පිරිනැමීම් හා පරිත්‍යාග කිරීම් නතර කර ඇති බවයි හෙතෙම සඳහන් කළේ.
නමුත් තමන්ගෙන් අහිංසක තරුණයෙකු ඉල්ලූ උදව්ව මැතිවරණ නීතිරීති උල්ලංඝනය කිරීමේ අරමුණින් සිදු නොකළ බවත්; අව්‍යාජව එකී තරුණයාගේ ආසාව ඉටු කිරීම පමණක් කළ බව හිටපු මන්ත්‍රී රංජන් රාමනායක මහතා පවසනවා.
ඒකෙනුත් 1000 කට ඇරල…අරක්කු භාගයක් ගන්න දීල තියෙන්නේ 500/=යි
මටත් කාලක් ගන්න ඩිපොසිට් කරපංකො 250/-ක්